Դանիայի թագուհու ամուսինը՝ Հենրիխը Կոպենհագենի հիվանդանոցից տեղափոխվել է Ֆրեդենսբորգ ամրոց, որտեղ ցանկանում է անցկացնել «իր վերջին օրերը»: Այս մասին հաղորդում է Դանիայի Թագավորական պալատը: Հայտարարության մեջ նշվում է, որ արքայազնի վիճակը շարունակում է ծանր մնալ, հաղորդում է Reuters-ը:
Երկու շաբաթ առաջ 83-ամյա արքայազնի մոտ ախտորոշվել էր բարորակ ուռուցք: Նա հիվանդանոց էր տեղափոխվել Եգիպտոսի մասնավոր այցի ժամանակ սկսված հիվանդությունից հետո:
Նրա ավագ որդին, Միջազգային օլիմպիական կոմիտեի անդամ, գահաժառանգ Ֆրեդերիկը անցյալ շաբաթ վերադարձել է Հարավային Կորեայի ձմեռային օլիմպիական խաղերից՝ հոր կողքին լինելու համար: