Կումիսի լճում թթվածնային քաղցի պատճառով սատկել է մոտ 10 տոննա հաստաճակատ, հաղորդում է Imedi-ն:
Լճի սեփականատեր Գելա Բակուրաձեի խոսքով՝ մեռած ձկներին ափ են նետել: Սատկելու պատճառը կապտականաչավուն ջրիմուռն է, որը գարնանը հայտնվում է լճում եւ մեծ քանակությամբ թթվածին է կլանում:
«Այժմ մենք քայլում ենք ափով եւ մեռած ձուկ ենք հավաքում, որը հետագայում պետք է ոչնչացնենք», — ասել է Բակուրաձեն:
Բակուրաձեն բնակչությանը կոչ է անում չհավաքել ձկներին:
«Ես կոչ եմ անում բնակչությանը, որ նրանք մտնեն մեր ծանր դրության մեջ եւ չօգտվեն այս պահից: Նրանք ձուկը տանում են ոչ թե իրենց համար, այլ իրացնելու», — ասել է նա: