Մեծ Բրիտանիան առաջիկա օրերին դաշնակիցների եւ գործընկերների հետ կքննարկի Ռուսաստանի հանդեպ իր հետագա անելիքները՝ ՌԴ ԱԳՆ կողմից պատասխան միջոցներ ստանալուց հետո: Այս մասին հայտարարել է Մեծ Բրիտանիայի վարչապետ Թերեզա Մեյը, հաղորդում է «ՌԻԱ Նովոստին»:
Նրա խոսքով՝ պատասխան միջոցները եւ Ռուսաստանի արձագանքը չեն վերացնում այն փաստը, որ «բրիտանական հողում երկու մարդու վրա մահափորձ է կատարվել»: Մեյը եւս մեկ անգամ նշել է, որ նա Սերգեյ Սկրիպալի թունավորման մեջ մեղավոր է համարում ՌԴ-ին:
«Առաջիկա օրերին մենք կքննարկենք հետագա քայլերը», - ասել է նա` շաբաթ ելույթ ունենալով Լոնդոնի Պահպանողական կուսակցության գարնանային համաժողովում:
Մարտի 17-ի առավոտյան Մեծ Բրիտանիայի դեսպան Լորի Բրիստոուն կանչվել էր ՌԴ ԱԳՆ: Նրան ասվել է, որ ի պատասխան Անգլիայից 23 ռուս դիվանագետների արտաքսմանը, Ռուսաստանը մի շարք պատասխան միջոցներ է ձեռնարկելու: Դրանք ներառում են 23 բրիտանացի դիվանագետների «հայելային» արտաքսումը, Սանկտ Պետերբուրգում հյուպատոսության փակումը եւ Բրիտանական խորհրդի աշխատանքների դադարեցումը:
Ռուս-բրիտանական հարաբերությունների վատթարացման պատճառը նախկին ԳՀՎ աշխատակից Սերգեյ Սկրիպալի եւ նրա դուստր Յուլիայի թունավորումն էր: Մարտի 12-ին Բրիտանիայի վարչապետ Թերեզա Մեյը հայտարարել էր, որ հարձակման ժամանակ օգտագոծվել է ԽՍՀՄ-ում մշակված «Նովիչոկ» նյութերի խմբին պատկանող նյարդակաթվածային թույն:
Ռուսաստանը հայտնել է 23 բրիտանացի դիվանագետների արտաքսման մասին
Կարծես թե Սկրիպալի թունավորման հետեւում Ռուսաստանն է կանգնած. Թրամփ
Թերեզա Մեյը պատրաստ է նոր միջոցներ ձեռնարկել «Ռուսաստանի կողմից սադրանքների» դեպքում
ՌԴ ԱԳՆ-ն Թերեզա Մեյի հայտարարությունը «կոպիտ սադրանք» է անվանել
Լրտեսի առեղծվածային թունավորում. Լոնդոնն ու Մոսկվան հարաբերությունների խզման եզրին են
Բրիտանիան կարտաքսի 23 ռուսաստանցի դիվանագետի
Բրիտանիան կասեցնում է Ռուսաստանի հետ երկկողմ շփումները
Ռուսաստանը պատասխանատու է նախկին ռուսական լրտեսի թունավորման համար. Թերեզա Մեյ
ԳՀՎ նախկին գնդապետ Սերգեյ Սկրիպալը Մեծ Բրիտանիայի արտաքին հետախուզության արժեքավոր գործակալներից էր
Ոստիկանությունը Սկրիպալի կնոջ եւ որդու գերեզմաններից ծաղիկները տարել է
Բրիտանական լրատվամիջոցները հայտնել են Սկրիպալի եւ նրա դստեր թունավորման պատճառները
Ոստիկանությունը սկսել է քննել Սկրիպալի՝ տանը թունավորվելու տարբերակը
Սկրիպալի թունավորման վայրից հոսպիտալացված ոստիկանը խոսել է
Մենք որեւէ փաստ չենք լսել Սկրիպալի թունավորմանը Ռուսաստանի մասնակցության մասին. Լավրով
Նախկին գնդապետ Սկրիպալի թունավորման վայրում աշխատող փրկարարները հիվանդանոցում են հայտնվել