ԱՄՆ-ն կրկին սպառնում է դուրս գալ ՄԱԿ-ի Մարդու իրավունքների խորհրդից այն բանից հետո, երբ այն Իսրայելին դատապարտող հինգ բանաձեւեր է ընդունել, հաղորդում է AFP- ն:
ՄԱԿ-ում ԱՄՆ մշտական ներկայացուցիչ Նիկի Հեյլին մեղադրել է խորհրդին Իսրայելի հանդեպ կողմնակալության համար՝ նշելով, որ այն ընդունել է ընդամենը երեք բանաձեւեր Հյուսիսային Կորեայի, Իրանի եւ Սիրիայի նկատմամբ: Ըստ նրա, եթե Մարդու իրավունքների խորհուրդը Իսրայելին ավելի վատն է համարում, քան Հյուսիսային Կորեային, Իրանին եւ Սիրիային, ապա դա «հիմար» խորհուրդ է եւ արժանի չէ իր անվանը: «Մեր համբերությունը անսահման չէ: Ակնհայտ է, որ այդ կազմակերպությանը բացակայում է վստահությունը, որն անհրաժեշտ մարդու իրավունքների իսկական պաշտպանի համար», - ասել է նա:
Երբ Դոնալդ Թրամփը դարձավ նախագահ, ԱՄՆ-ն դուրս եկավ ՅՈՒՆԵՍԿՕ-ից, կրճատեց ՄԱԿ-ի ֆինանսավորումը եւ հայտարարեց Փարիզի կլիմայի համաձայնությունից հեռանալու մտադրության մասին: