Եվրոպական միությունը հույս ունի, որ դոնորների համաժողովից հետո միջազգային հանրությունը Սիրիայի համար ավելի քան 6 մլրդ դոլար կհատկացնի: Համաժողովը տեղի կունենա ապրիլի 24-25-ը Բրյուսելում: Այս մասին հանդիպման նախօրեին Բրյուսելում լրագրողներին հայտարարել է ԵՄ ներկայացուցիչը, փոխանցում է «ՏԱՍՍ»-ը:
«Անցյալ տարի 6 մլրդ դոլար է հատկացվել: Հույս ունենք, որ այս տարի կհաջողվի ավելի շատ հավաքել»,- ասել է նա:
Միջոցառման նպատակը Սիրիային եւ տարածաշրջանին աջակցելն է: Վերջին հանդիպման արդյունքներով միջազգային հանրությունը Սիրիայի համար ավելի քան 10 մլրդ դոլար էր հավաքել: