Հունգարիայում լաբորատորիայի աշխատակիցը մեկուսացվել է Էբոլայի մահացու վիրուսի հետ պատահական շփումից հետո, հաղորդում է Reuters-ը:
Հունգարիայի առողջապահության ազգային ինստիտուտի հաղորդմամբ՝ աշխատակիցը մեկուսացված է Բուդապեշտի հիվանդանոցի հատուկ բաժնում: Առայժմ նրա մոտ վիրուսի ախտանիշներ չկան:
Առողջապահության համաշխարհային կազմակերպությունը նշել է, որ ուղարկել է փորձարարական պատվաստանյութ եւ բուժման այլ նյութեր, որոնք տրամադրվել են գիտնականներին: «ԱՀԿ-ն այս իրադարձությունից Էբոլայի տարածման վտանգը աննշան է գնահատում»: