Հյուսիսկորեական միջուկային ճնաժամը «կարգավորումից հեռու է»: Այս մասին հայտարարել է ԱՄՆ նախագահ Դոնալդ Թրամփը՝ չափավորելով Փհենյանի՝ միջուկային ու հրթիռային փորձարկումները դադարեցնելու եւ միջուկային զորավարժարանը փակելու մասին հայտարարությունների առիթով խանդավառությունը, փոխանցում է «Ամերիկայի ձայնը»:
«Մենք դեռեւս հեռու ենք հյուսիսկորեական հարցի լուծումից: Հնարավոր է՝ ամեն ինչ կարգավորվի, հնարավոր է՝ եւ ոչ. միայն ժամանակը ցույց կտա… Բայց այն, ինչ հիմա ես անում եմ, հարկավոր էր վաղուց անել»,- նշել է Թրամփը Twitter-ում: