«Ելք» խմբակցության պատգամավորներ, «Քաղաքացիական պայմանագիր» կուսակցության անդամներ Նիկոլ Փաշինյանը, Սասուն Միքայելյանն ու Արարատ Միրզոյանը այս պահին դուրս եկան Ձերբակալվածների պահման վայրից: Նրանց այստեղ սպասում էին «Ելք» խմբակցության պատգամավորներ Մանե Թանդիլյանը, Գեւորգ Գորգիսյանը, դաշինքի ներկայացուցիչներ, փաստաբաններ:

«Մեր շարժման ձերբակալված բոլոր անդամները պետք է րոպե առաջ դուրս գան»,- ասել է Նիկոլ Փաշինյանը։

Հարցին, թե ինչ են խոսել առաջին փոխվարչապետ Կարեն Կարապետյանի հետ, Փաշինյանը պատասխանել է, որ այդ մասին կխոսի երեկոյան, հանրահավաքի ժամանակ։

Նշենք, որ քիչ առաջ Փաշինյանի հետ հանդիպել է ՀՀ առաջին փոխվարչապետ Կարեն Կարապետյանը: Նա հայտարարել էր, որ դիմել է ՀՀ գլխավոր դատախազին, որպեսզի վերջին հետ վերցնի պատգամավորներին անձեռնմխելիությունից զրկելու միջնորդությունը:

• Լիահույս եմ, որ իմ խնդրանքն ինչ-որ բան կարժենա իմ գործընկերոջ համար. Արա Բաբլոյան (Ֆոտո)
• Փաշինյանին ոստիկանության Սեւանի բաժնից տարել են. այս պահին նրա տեղը հայտնի չէ. Փաստաբան
• Բախում ցուցարարների եւ ոստիկանների միջեւ. ոստիկանությունը հատուկ միջոցներ կիրառեց եւ տարավ Փաշինյանին (ֆոտո)
• Դիմակավորված ոստիկանները տարան նաեւ Սասուն Միքայելյանին եւ Արարատ Միրզոյանին. Կան բազմաթիվ բերման ենթարկվածներ (ֆոտո)