Ամազոնկայի վերին հոսանքներում գյուղերից մեկի բնակիչները ինքնադատաստանի են ենթարկել կանադացուն, որին մեղադրել են տեղական ցեղի բուժարարին սպանելու մեջ, հաղորդում է BBC-ն
81-ամյա Օլիվիա Արեվալոն՝ շիպիբո-կոնիբո ցեղի բուժարարը, հինգշաբթի մահացել է հրազենային վնասվածքներից:
Տեղացիները սպանության մեջ մեղադրել են Կանադայի 41-ամյա քաղաքացի Սեբաստիան Պոլ Վուդորֆին, որն ապրում էր այդ շրջանում եւ օգտվում էր բուժարարաի ծառայություններից:
Ինքնադատաստանի տեսանյութը տարածվել է սոցցանցերով, որից հետո ոստիկանները կարողացել են գտնել Վուդորֆի մարմինը: Տեսանյութում երեւում է, ինչպես է Վուդորֆի նման մարդը տնքում ջրափոսի մեջ, նրա վրա պարան են գցում եւ սկսում են քարշ տալ: Շուրջը մարդիկ են կանգնած եւ դիտում են:
Պերուում 81-ամյա Օլիվիա Արեվալոյի սպանությունը ալեկոծել է հասարակությանը տեղական համայքների ղեկավարների չբացահայտված սպանություններից հետո: