Մոսկվայի Կունցեւսկի դատարանը տուգանել եւ թմրամոլության բուժման է ուղարկել պաշտպանին, որը կերել է գործի նյութերը, փոխանցում է «ՌԻԱ Նովոստի»–ն։
Դատավճռից հետեւում է, որ Մաքսիմ Բուշինը եկել է դատարան, խնդրել է ծանոթանալու համար իր պաշտպանյալի վարչական գործի նյութերն իրեն տրամադրել, ապա կերել է բժշկական փորձաքննության արձանագրությունը եւ ալկոթեստերի անդորրագիրը։
Դատարանը նրան մեղավոր է ճանաչել «Արդարադատության իրականացմանը խոչընդոտելը» հոդվածով եւ 50 հազար ռուբլի տուգանք է նշանակել։ Բացի այդ, նա ստիպված կլինի թմրամոլության բուժում եւ բժշկական վերականգնում անցնել։
Գործը քննվել է հատուկ կարգով, քանի որ մեղադրյալն ամբողջությամբ ճանաչել է մեղքը։