Հայաստանում ատելության էջը մենք պետք է փակենք: Այս մասին այսօր՝ մայիսի 8-ին ԱԺ-ում վարչապետի ընտրության քվեարկությունից առաջ իր խոսքում նշեց «Ելք» խմբակցության ղեկավար, վարչապետի թեկնածու Նիկոլ Փաշինյանը:
«Ես հիմա չեմ ուզում բանավեճ սկսել, թե արդյո՞ք Հայաստանում կա ատելության քարոզ, թե չկա: Ես ասացի, որ Հայաստանում ատելության էջը մենք պետք է փակենք, սրանում կասկած լինել չի կարող: Էական չէ, թե որտեղ ենք համոզվել, բայց համոզվել ենք, որ ատելությունը մեր պետությանը ոչ մի լավ տեղ չի տանում: Ես ուզում եմ, որ սա լինի ոչ թե լոզունգ, այլ իրականություն: Աստված մեզ օգնական»,- ասաց Փաշինյանը:
Իսկ արդեն քվեարկությունից հետո, երբ Փաշինյանը 59 կողմ ձայնով ընտրվեց ՀՀ վարչապետ, շատ կարճ ասաց. «Ծառայում եմ Հայաստանի Հանրապետության ժողովրդին, ծառայում եմ Հայաստանի Հանրապետությանը»: