ԱՊՀ անդամ պետությունների անվտանգության մարմինների եւ հատուկ ծառայությունների ղեկավարները ֆուտբոլի աշխարհի գավաթի նախօրեին Մոսկվայում քննարկել են ծայրահեղական սպառնալիքների չեզոքացման հարցերը: Այս մասին հաղորդել է ԱԴԾ-ի հասարակայնության հետ կապերի կենտրոնը:
«Ֆուտբոլի աշխարհի գավաթի անցկացման նախօրեին հատուկ ծառայությունների ղեկավարները ուսումնասիրել են ծայրահեղական բնույթի սպառնալիքների չեզոքացման խնդիրները, որոնք ազդում են նրա անվտանգության վրա », - նշվում է ԱԴԾ-ի հաղորդագրությունում:
ԱԴԾ-ն նշել է, որ հինգշաբթի Մոսկվայում տեղի է ունեցել ԱՊՀ անդամ պետությունների անվտանգության մարմինների եւ հատուկ ծառայությունների ղեկավարների 44-րդ հանդիպումը: Խորհուրդը կենտրոնացել է ահաբեկչության եւ անդրսահմանային կազմակերպված հանցավորության դեմ պայքարի ոլորտում համագործակցության հետագա զարգացման վրա:
Անդամները քննարկել են նաեւ Աֆղանստանի հյուսիսում ռազմաքաղաքական իրավիճակը, դրա ազդեցությունը Կենտրոնական Ասիայի տարածաշրջանում օպերատիվ իրավիճակի զարգացման վրա եւ մշակել լրացուցիչ միջոցներ ահաբեկչական գործողությունների նախազգուշացման եւ կանխման ուղղությամբ: