Ճապոնիայում բուդդայական վանականը գերաշխատանքի պատճառով դատի է տվել վանքին, որտեղ նա ծառայել է, հայտնում է Channel News Asia–ն։

Տղամարդը Օսակա քաղաքի մերձակայքում գտնվող Կոյա սան լեռան տաճարներից մեկից պահանջում է 78 հազար դոլար փոխհատուցում։ Նրան ստիպել են աշխատել զբոսաշրջիկների համար սրճարանում առանց հանգստյան օրերի, նրա այլ պարտականությունները նույնպես դուրս են եկել հոգեւորի շրջանակներից։ Գերաշխատանքի պատճառով նա սթրեսի մեջ է հայտնվել, հայտնել է հայցվորի ներկայացուցիչ Նորիտակե Սիրակուրան։