Նախորդ տարի Հայաստանում որդեգրվել է 56 երեխա, որից 29-ը՝ աղջիկ:

Ըստ Ազգային վիճակագրական ծառայության հրապարակած պաշտոնական տեղեկատվության՝ երեխաներից 27-ը որդեգրվել են Հայաստանի Հանրապետության քաղաքացիների կողմից: 27 որդեգրվածներից 16-ն առողջ են եղել, 11-ը՝ առողջական խնդիրներ են ունեցել: 2017թ.-ին օտարերկրացիների կողմից որդեգրվել է 29 երեխա, որից 24-ն առողջական խնդիրներ են ունեցել: Այդ երեխաներից 9-ը հաշմանդամություն են ունեցել: