Գերմանիայի կառավարությունը մինչեւ 2022 թվականը 78 միլիարդ եվրո կծախսի միգրացիոն քաղաքականության համար: Այս մասին հայտարարել է Գերմանիայի ֆինանսների նախարար Օլաֆ Շոլցը, հաղորդում է Deutsche Welle-ն:

Դաշնային բյուջեի ծախսերը կկազմեն շուրջ 70 միլիարդ եվրո:

Համաձայն կոալիցիոն համաձայնագրի՝ եւս 8 միլիարդ եվրո մինչեւ 2021 թվականը դաշնային բյուջեից պետք է հատկացվի դաշնային հողերի եւ կոմուննաների իշխանություններին` միգրացիոն քաղաքականության խնդիրների լուծմանն անհրաժեշտ ծախսերի համար: Սակայն այդ միջոցների բաշխումը դեռեւս չի հաստատվել: