Ռուսական նախկին լրտես Սերգեյ Սկրիպալի դուստրը թունավորումից հետո առաջին հարցազրույցն է տվել, հաղորդում է Reuters-ը:
Յուլիա Սկրիպալը, մասնավորապես, հայտարարել է, որ թունավորումից հետո 20 օր կոմայում է եղել:
«Մեր բախտը շատ է բերել, որ այդ մահափորձից հետո մենք ողջ ենք մնացել: Բուժումը ինվազիվ էր, ցավոտ եւ շատ ծանր», —մեջբերում է նրա խոսքը Reuters-ը:
Յուլիան նշել է, որ այժմ օգնում է հորը խնամել: Նա հավելել է, որ հույս ունի հետագայում Ռուսաստան վերադառնալ:
«Ոչ ոք չպետք է եւ չի կարող խոսել իմ եւ իմ հոր փոխարեն», - ասել է նա:
Յուլիա Սկրիպալը նշել է, որ ցնցված է իր եւ հոր դեմ նյարդակաթվածային նյութի կիրառման փաստից: Նա նշել է, որ զգացված է ՌԴ դեսպանատան առաջարկած օգնությունից, բայց չի ցանկանում օգտվել դրանից:
Reuters-ը հաղորդել է, որ Յուլիայի հետ բրիտանական ոստիկանության միջոցով է կապ հաստատել: Աղջիկը լրագրողների հետ Լոնդոնից է շփվել, նրա կոնկրետ գտնվելու վայրը նրանց հայտնի չի եղել: Նա հայտարարությունը ռուսերենով է արել, որից հետո տրամադրել է դրա ձեռագիր կրկնօրինակը՝ ռուսերենով եւ անգլերենով:
ԳՀՎ-ի նախկին սպա Սերգեյ Սկրիպալը եւ նրա դուստր Յուլիան 2018 թվականի մարտին անգիտակից վիճակում հայտնաբերվել էին բրիտանական Սոլսբերի քաղաքում: Մեծ Բրիտանիան հայտարարել էր, որ Սկրիպալներին թունավորել էին ԽՍՀՄ-ում մշակված «Նովիչոկ» նյարդային թույնով:
Բրիտանական իշխանությունները թունավորման մեջ մեղադրել էին Ռուսաստանին եւ ավելի քան 20 ռուս դիվանագետների արտաքսել: Համանման միջոցներ ձեռնարկել էին նաեւ այլ արեւմտյան երկրներ: Ընդհանուր առմամբ նրանք արտաքսսել են 150 ռուս դիվանագիտական աշխատակիցների: Ռուսատանը հայտարարել է, որ կապ չունի թունավորման հետ եւ նույնպես արտաքսել օտարերկրացի դիվագանգետներին:
Բժիշկների հաղորդմամբ՝ Յուլիան գիտակցության էր եկել մարտի վերջին: Մայիսի 18-ին հայտնի դարձավ, որ նրա հորը հիվանդանոցից դուրս են գրել:
Юлия Скрипаль: "Никто не должен и не может говорить за меня и моего отца, кроме нас самих" pic.twitter.com/msOeYlwEdl
— Агентство Рейтер (@reuters_russia) 23 мая 2018 г.