Իսպանիայի իշխանությունները իսպանացի ռեփերին կալանավորելու կարգադրագիր են տվել, որը դատապարտվել է ահաբեկչական խմբերին գովաբանելու եւ թագավորական ընտանիքին վիրավորելու համար, հաղորդում է AFP-ն:
Խոսքը Պալմա դե Մայորկայից 24-ամյա ռեփ երգչի եւ կոմպոզիտորի մասին է, որը հայտնի է որպես Վալտոնիկ: Ենթադրվում էր, որ ռեփերը կամավոր կներկայանա երկու տարով բանտարկվելու համար: Նրա անունով Իսպանիայի, Եվրոպական եւ միջազգային մակարդակներում կարգադրագիր է տրվել:
Դատարանը որոշել է, որ ռեփերն իր երգերում գովաբանել է ահաբեկչությունը՝ վիրավորելով թագավորական ընտանիքին: