Իսրայելի վարչապետ Բենիամին Նեթանյահուն հերքել է տեղական ԶԼՄ-ների լուրերն այն մասին, որ վարչակազմը իր  կնոջ համար զրահապատ մեքենայի ձեռքբերման նպատակով 500 հազար դոլար է պահանջել, հաղորդում է AFP-ն:

«Կեղծ լուրերի եւս մեկ օրինակ»,- Twitter-ում գրել է վարչապետը: «Կինս եւ ես առաջին անգամ այդ մասին լրատվամիջոցներից իմացանք»:

Իսրայելական լրատվամիջոցները հաղորդել են, որ Սառա Նետանյահուի համար լրացուցիչ անվտանգության միջոցներ են պահանջվել: Այժմ նա տեղաշարժվում է ոչ զրահապատ Skoda մեքենայով: