Համացանցում հայտնվել է Ռուսաստանի եւ Ֆրանսիայի նախագահներ Վլադիմիր Պուտինի եւ Էմանուել Մակրոնի պաշտոնական ճաշի ճաշացանկը:
Նրանց սեւ ձկնկիթով բլիններ, այծի պանրով սառը բորշ, խեցգետնով նախուտեստ, կարամելոով խնձոր կմատուցեն: Որպես տաք ուտեստ՝ սամիթով թառափի սթեյք կամ կանկարով եղջուրուի միս: Պատվիրակությունների անդամներին որպես աղանդեր կտրվի շոկոլադե տորթ, հաղորդում է «ՌԻԱ Նովոստին»:
Պաշտոնական ճաշի մասնակիցներին կհուրասիրեն Մերլո եւ Շարդոնե գինիներ:
Նախագահի պաշտոնում ընտրվելուց հետո աա Մակրոնի առաջին այցն է Ռուսաստան: Նրա պատվիրակության կազմում են Ֆրանսիայի մշակույթի նախարար Ֆրանսուազա Նիսսենը, արտաքին գործերի նախարար Ժան-Իվ Լե Դրիանը, Ռուսաստանի հարցերով Ֆրանսիայի նախագահի հատուկ ներկայացուցիչ Ժան-Պյեր Շեվենմանը, գրում է «Իզվեստիան»:
Ավելի վաղ Կրեմլի մամլո քարտուղար Դմիտրի Պեսկովը հայտարարել էր, որ բացի պաշտոնական բանակցություններից եւ նեղ շրջանակում շփումից, երկու պետությունների ղեկավարները պետք է մասնակցեն գործնական ճաշի: Բացի այդ նախատեսվում է համատեղ փաստաթղթեր ստորագրել: