ԱՄՆ-ի նախագահ Դոնալդ Թրամփը որոշեց չեղյալ համարել Հյուսիսային Կորեայի առաջնորդ Կիմ Չեն Ընի հետ հանդիպումը այն բանից հետո, երբ Փհենյանը խախտեց մի շարք խոստումներ եւ խզեց Վաշինգթոնի հետ ուղղակի կապը: Այս մասին հաղորդում է Reuters գործակալությունը՝ հղում անելով Սպիտակ տան բարձրաստիճան ներկայացուցիչին:
«Վերջին շաբաթներին ԿԺԴՀ-ի կողմից ողջամտության տարօրինակ բացակայությունը, խախտված խոստումները եւ ԱՄՆ-ի հետ ուղղակի կապի խզումը վկայում են խորը անբարեխղճության մասին», - ասել է պաշտոնյան: «Խախտված խոստումների պատճառով ԱՄՆ-ն ստիպված էր դադար տալ», - ասել է նա:
Հիշեցնենք, որ նախագահ Դոնալդ Թրամփը չեղյալ հայտարարեց Կիմ Չեն Ընի հետ հանդիպումը՝ հաշվի առնելով Փհենյանի հռետորաբանությունը, այն անտեղի համարեց: