ԱՄՆ-ի նախկին նախագահ Ջորջ Բուշ ավագը մայիսի 17-ին հոսպիտալացվել է արյան ցածր ճնշման պատճառով: Այս մասին իր թվիթերյան էջին հայտնել է ընտանիքի պաշտոնական ներկայացուցիչ Ջիմ Մաքգրաթը, փոխանցում է «ՏԱՍՍ»-ը:

Նրա խոսքով՝ 93-ամյա ԱՄՆ առաջնորդն իրեն թույլ է զգում, նա տեղափոխվել է Մենի հարավային մասում գտնվող հիվանդանոց: «Նա, հավանաբար, մի քանի օր կմնա այնտեղ  հետազոտում անցնելու համար», - ասել է Մաքգրաթը: Նրա խոսքով՝ նախկին նախագահը գտնվում է գիտակից վիճակում եւ անհարմարություն չի զգում: