Չինաստանի Սիչուան նահանգում ավտոբուսի պայթյունի հետեւանքով տուժել է 15 մարդ, նշվում է Լեշան քաղաքի ոստիկանության հաղորդագրության մեջ, փոխանցում է «ՌԻԱ Նովոստի»-ն: Միջադեպը տեղի է ունեցել հունիսի 18-ին` ժամը 21.35-ին, Լեշան քաղաքի շրջաններից մեկում: Հաղորդվում է, որ քաղաքային ավտոբուսում անհայտ ծագման պայթյուն է տեղի ունեցել:
Ոստիկանությունն արդեն իսկ ձերբակալել է կասկածյալին՝ 31-ամյա բնակչին: Իրավապահ մարմինները բացառել են ահաբեկչական գործողության վարկածը, հետաքննությունը շարունակվում է: Հաղորդվում է, որ ինքը՝ կասկածյալը, լուրջ վնասվածքներ է ստացել, մնացած 14 տուժածները թեթեւ վնասվածքներ են ստացել, նրանց վիճակը գնահատվում է որպես կայուն: