Ադրբեջանը հունիսի 26-ին ռազմական շքերթում ցուցադրելու է ամերիկյան արտադրության Bell-412 ուղղաթիռները, հաղորդում է «Ինտերֆաքս-Ադրբեջան»-ը` հղում անելով ռազմական աղբյուրին:

«Bell-412 ուղղաթիռները արդեն ընդունվել են: Դրանք ռազմական շքերթում կցուցադրվեն», - ասել է աղբյուրը: Նրա խոսքով, դրանք առաջին ոչ խորհրդային/ռուսական արտադրության ուղղաթիռներն են, որոնք ընդունվել են ադրբեջանական բանակի կողմից:

 «Bell-412-ի հետ մեկտեղ շքերթում թիչքներ կիրականացնեն Մի-24-ը, Մի-24 G-ն, հարվածային Մի-35M-ը, ռազմատրանսպորտային Մի-17-ը եւ նավային բազաթիրախային Կա-27-ը»,- նշել է նա: