Սաուդյան Արաբիան գումար չի խնայում իր հարեւան Կատարին վնասելու համար: Ռիադը պատրաստ է միլիոնավոր դոլարներ ծախսել Կատարը կղզու վերածելու համար (այժմ այն թերակղզի է), գրում է Vox-ը:
Ռիադը որոշել է իրականացնել «Սալվա ջրանցք» ծրագիրը, Կատարի եւ Սաուդյան Արաբիայի սահմանի երկայնքով ջրանցք կկառուցվի, ինչի պատճառով Կատարը ամբողջովին շրջապատված կլինի ջրով: Ծրագիրը նախատեսվում է մեկ տարվա ընթացքում ավարտել: Այն 750 մլն դոլար կարժենա: Եվ սա դեռ ամենը չէ: Որոշ աղբյուրներում նշվում է, որ Սաուդյան Արաբիայն ջրանցքի երկայնքով հատվածն օգտագործելու է միջուկային թափոնների պահպանման վայր: