Իսրայելի վարչապետ Բենիամին Նեթանյահուն ԱՄՆ նախագահ Դոնալդ Թրամփի դեսպանորդների հետ քննարկել է պաղեստինցիների հետ խաղաղ գործընթացի հեռանկարները եւ Գազայի հատվածում տիրող իրավիճակը, հաղորդում է «ՌԻԱ Նովոստին»:
Նեթանյահուն Երուսաղեմում հանդիպել է ԱՄՆ նախագահի փեսա, խորհրդական Ջարեդ Քուշների հետ, ինչպես նաեւ միջազգային բանակցությունների հարցերով ԱՄՆ հատուկ ներկայացուցիչ Ջեյսոն Գրինբլաթի հետ, որոնք վերահսկում են պաղեստինա-իսրայելական կարգավորման նոր նախագծի զարգացումը:
«Կողմերը քննարկել են խաղաղ գործընթացի առաջընթացը, տարածաշրջանի իրադարձություննները, Գազայի հատվածում իրավիճակը՝ անվտանգության եւ հումանիտար տեսանկյունից», - ասվում է հաղորդագրության մեջ:
«Կառավարության ղեկավար Նեթանյահուն երախտագիտություն է հայտնել նախագահ Թրամփին Իսրայելին ցուցաբերած աջակցության համար», - ասվում է հաղորդագրությունում:
Պաղեստինի ղեկավարությունը հրաժարվել է ընդունել Թրամփի դեսպանորդներին `շարունակելով ԱՄՆ վարչակազմի բոյկոտը, որը 2017 թվականի վերջին ճանաչել էր Երուսաղեմը որպես Իսրայելի մայրաքաղաք՝ անտեսելով քաղաքի արեւելյան մասի նկատմամբ պաղեստինցիների պահանջները: