Չինաստանի Չունցին շրջանի ֆերմերը երկրի հարավ-արեւմտյան մասում մոտ 150 մլն տարեկան քար է գտել, որը նման է կրիայի զրահին, հաղորդում է «Սինխուան»:
Տեղացի Լյու Չանյույը Ցիցզյան շրջանում հունիսի սկզբին հայտնաբերել էր «քար», որն իր ձեւով նման էր կրիայի զրահին:
Տղամարդու դուստրը քարի նկարները սոցցանցում է հրապարակել, որոնք արագ տարածվել են եւ գրավել տեղական իշխանությունների ուշադրությունը:
Հրավիրված հնէաբանները հաստատել են, որ գտածոն Յուրյան շրջանի կրիայի զրահ է:
Հաղորդվում է, որ մնացորդները կցուցադրվեն տեղական երկրաբանական թանգարանում: