Վարդավառի կապակցությամբ Ճանապարհային ոստիկանությունն անցնում է 24 ժամյա ուժեղացված ծառայության: Այս մասին իր ֆեյսբուքյան էջում գրել է ՃՈ պետի տեղակալ Արմեն Խաչատրյանը:
«Խնդրում ենք երթեւեկության բոլոր մասնակիցներին լինել զգոն, խստագույնս պահպանել երթեւեկության կանոնները, բացառել ոչ սթափ վիճակում տրանսպորտային միջոցներ վարելու դեպքերը, չվտանգել ձեր եւ այլոց կյանքն ու առողջությունը: Որեւէ իրավախախտ վարորդի նկատմամբ հանդուրժողականություն չի դրսեւորվելու»,- գրել է Արմեն Խաչատրյանը: