ԵՄ-ի եւ ԱՄՆ-ի միջեւ լարված առեւտրային հարաբերությունները կքննարկվեն Եվրահանձնաժողովի նախագահ Ժան Կլոդ Յունկերի եւ ԱՄՆ նախագահ Դոնալդ Թրամփի հանդիպման ժամանակ Վաշինգթոնում:
Եվրահանձնաժողովը հայտնում է, որ Յունկերը Վաշինգթոն կայցելի հուլիսի 25-ին։ Թրամփի հետ հանդիպմանը կքննարկվեն տրանսատլանտյան առեւտրի կատարելագործման ու ավելի ուժեղ տնտեսական գործընկերության հաստատման հնարավորությունները։
Եվրամիության երկրներից պողպատի եւ ալյումինի ներմուծման ամերիկյան պատժամիջոցների սահմանումից հետո Վաշինգթոնի եւ Բրյուսելի հարաբերությունները վատթարացել են, իսկ եվրոպական մեքենաների ներկրման մաքսատուքրերի սահմանումը միայն «կրակի վրա յուղ լցրեց»։