Հինգ երկիր է միացել Ղրիմի եւ Սեւաստոպոլի նկատմամբ ԵՄ պատժամիջոցներին: Այս մասին հաղորդում է «ՌԻԱ Նովոստի»-ն՝ վկայակոչելով ԵՄ դիվանագիտական ծառայությունը:
«Թեկնածու երկրներ Մոնտենեգրոն եւ Ալբանիան, տնտեսական գոտու անդամ Նորվեգիան, ինչպես նաեւ Ուկրաինան եւ Վրաստանը կապահովեն, որպեսզի իրենց ազգային քաղաքականությունը համապատասխանի ԵՄ-ի ընդհանուր որոշմանը, որը երկարաձգել է սահմանափակումները մինչեւ 2019 թվականի հունիսի 23-ը»,- նշվում է հաղորդագրության մեջ:
Եվրամիությունը, Միացյալ Նահանգները եւ մի շարք այլ երկրներ սահմանափակող պատժամիջոցներ էին ընդունել Ռուսաստանի նկատմամբ 2014 թվականին՝ դրանք կապելով Ղրիմի միացման հետ, ապա՝ Ուկրաինայի հարավ-արեւելքում հակամարտության: Ի պատասխան, Մոսկվան արգելք էր սահմանել հակառուսական պատժամիջոցներին աջակցող երկրներիս ներմուծվող սննդամթերքի համար: