Ամերիկյան Հյուսթոն քաղաքում անհայտ անձը կրակել ու սպանել է ԱՄՆ նախկին նախագահ Ջորջ Բուշ -ավագի սրտաբանին, հայտնում է ՌԻԱ Նովոստին ։
Դեպքը տեղի է ունեցել Թեքսասի բուժկենտրոնից ոչ հեռու։ Զոհն ու մարդասպանը հեծանիվներով իրար ընդառաջ էին գալիս։ Երբ նրանք հավասարվել են, հանցագործը երկու կրակոց է արձակել։ Բժիշկ Մարկ Հաուսնեխտը մահացել է ստացված վիրավորումներից։
Մարդասպանի հանդեպ հետախուզում է հայտարարվել։ Հանցագործը 30 տարեկան սպիտակամորթ կամ լատինաամերիկացի տղամարդ էր , սափված, արևապաշտպան ակնոցով ու բեյսբոլի գլխարկով։ Նա ժիլետով ու կիսատաբատով էր։