«Աերոֆլոտ» ավիաընկերությունը զգուշացնում է ուղեւորներին «Շերեմետեւո» օդանավակայանում տեխնիկական պատճառներով ուղեբեռի ստանալու հետ կապված խնդիրների առկայության մասին: Այս մասին շաբաթ օրը հաղորդում է ավիաընկերության կայքէջը:
«Ներկայումս օդանավակայանի աշխատակիցներն անում են ամեն ինչ ուղեբեռի ստացման համակարգը վերականգնելու համար: Ժամանակին չհասցված ուղեբեռը կուղարկվի հաջորդ չվերթներով»,- նշվում է հաղորդագրության մեջ:
Եթե ուղեւորը չի կարողանում ստանալ ուղեբեռը, ապա պետք է դիմի ուղեբեռի որոնման ծառայության անձնակազմին՝ նախքան ժամանման գոտուց դուրս գալը եւ հատուկ ձեւ լրացնի: Կարեւոր է պահպանել թռիչքային փաստաթղթերը, հատկապես վայրէջքի կտրոնը եւ ուղեբեռի կտրոնը, պարզաբանում է ընկերությունը: