G20-ի երկրների ֆինանսների նախարարները եւ կենտրոնական բանկերի ղեկավարները նշել են տնտեսությանը սպառնացող ռիսկերին հակազդելու համար երկխոսությունն ամրապնդելու եւ միջոցներ ձեռնարկելու անհրաժեշտությունը: Այս մասին ասվում է Բուենոս Այրեսում կայացած հանդիպումից հետո կիրակի օրը հրապարակված վերջնական կոմյունիկեում, փոխանցում է «ՏԱՍՍ»-ը:
«Մենք գիտակցում ենք ռիսկերը մեղմման եւ վստահության ամրապնդմանն ուղղված երկխոսության անհրաժեշտությունը»,- նշվում է փաստաթղթում:
Դրանում նախարարները եւ Կենտրոնական բանկի ղեկավարները նաեւ նշել են, որ վերջին տարիներին «կարճաժամկետ եւ միջնաժամկետ ռիսկերն աճել են»: «Դրանք աճող ֆինանսական խոցելիություն, առեւտրային եւ աշխարհաքաղաքական լարվածության աճ, գլոբալ անհավասարակշռություն եւ անհավասարություն են ներառում»,- նշվում է կոմյունիկեում: