Մեր մոնիտորինգային արդյունքները ցույց են տալիս, որ հոգեբուժարաններում եւ տուն-ինտերնատներում մեկ մասնագիտություն ունեցող բժիշկը մեկ այլ բժշկի գործ է անում, որը ըստ մասնագետների եզրակացության, կարող է շատ վատ հետեւանքների բերել: Այս մասին այսօր՝ օգոստոսի 2-ին, կառավարության նիստում հայտարարեց Մարդու իրավունքների պաշտպան Արման Թաթոյանը:
Նրա խոսքով, կան նաեւ Եվրոպական դատարան ներկայացված գանգատներ. «Խնդիրը հիմնարար լուծելու անհրաժեշտություն կա»,-ասաց Թաթոյանը:
Առողջապահության նախարար Արսեն Թորոսյանը նշեց, որ այս տարվա նպատակային տեղերից երկուսը հենց հոգեբուժարանների մասով է. «Կնայենք, թե որ հոգեբուժարանում թափուր տեղ կա, այնտեղ էլ կնշանակենք»: