Հարավային եւ Հյուսիսային Կորեաների առաջնորդներ Մուն Ջեինի եւ Կիմ Չեն Ընի հանդիպումը տեղի կունենա սեպտեմբերին Պեկինում: Այս մասին հաղորդում է Reuters-ը՝ վկայակոչելով Հարավի միասնության նախարարությունը:
Հանդիպման վերաբերյալ պայմանավորվածությունը ձեռք է բերվել Հարավի եւ Հյուսիսի ներկայացուցիչների միջեւ բանակցությունների ընթացքում, որոնք ընթանում են սահմանամերձ Պանմունջոն գյուղում:
Հիշեցնենք, որ ապրիլին կայացավ Սեուլի եւ Փհենյանի ղեկավարների առաջին հանդիպումը վերջին տասը տարվա ընթացքում: Կիմ Չեն Իրնը դարձավ Հյուսիսային Կորեայի առաջին առաջնորդը, ով հատեց Հարավային Կորեայի պատասխանատվության գոտում գտնվող ռազմական սահմանազատիչ գիծը: Գագաթնաժողովի արդյունքներով համատեղ հռչակագիր էր ընդունվել, որում Փհենյանը եւ Սեուլը հայտարարել են Կորեական թերակղզու լիարժեք ապամիջուկայնացման, հարաբերությունները կարգավորելու մասին՝ ձգտելով համատեղ բարգավաճմանն ու խաղաղ վերամիավորմանը: