Արարատի մարզի Սուրենավան համայնքի գործարաններից մեկում չրերի դարակն ընկել է քաղաքացու վրա, ինչի հետեւանքով վերջինս մահացել է:

ԱԻՆ մամուլի ծառայությունից հայտնում են, որ այսօր՝ օգոստոսի 16-ին, ժամը 11:01-ին «911» ծառայությանն ահազանգ է ստացվել, որ Արարատի մարզի Սուրենավան գյուղի գործարաններից մեկում չրերի դարակն ընկել է քաղաքացու վրա. անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Ժամը 11:30-ին փրկարարները դարակների տակից հանել են Է. Պ.-ի (ծնված 1970 թ.) դին: