Ռումինիայի վարչապետը արդարացրել է հակակառավարական բողոքի ընթացքում ոստիկանության կողմից ուժի կիրառումը, ինչի հետեւանքով ավելի քան 450 մարդ վիրավորվել է, հաղորդում է AP-ն:
Վարչապետ Վիորիկա Դանսիլան նամակ է հղել Եվրահանձնաժողովի նախագահ Ժան-Կլոդ Յունկերին, որտեղ պնդել է, որ այլ քաղաքական գործիչները, այդ թվում նախագահ Կլաուս Յոհանիսը, փորձել են «բռնի տապալել օրինական կառավարությունը»: Նա նշել է, որ ոստիկանությունը բռնությանն արձագանքել է իր իրավասությունների շրջանակում: