Շաբաթ Twitter-ի աշխատանքում խնդիրներ են նկատվել մի շարք երկրներում: Այս մասին նշված է Downdetector ծառայության էջում:

«Twitter-ի աշխատանքում խնդիրները նկատվել են ուրբաթ ԱՄՆ Արեւելյան ափի ժամանակով 22:41-ից (Երեւանի ժամանակով շաբաթ 06:41-ից – խմբ.)»,- նշված է ծառայության հաղորդագրության մեջ:

Սոցցանցի աշխատանքի խափանումների մասին են հայտնում Ռուսաստանի, Արգենտինայի, Բրազիլիայի, Մեծ Բրիտանիայի, Իսպանիայի, Լեհաստանի, ԱՄՆ-ի, Ճապոնիայի օգտատերերը: