Նախագահ Վլադիմիր Պուտինը Ավստրիայի արտաքին գործերի նախարար Կարին Կնայսլի եւ ֆինանսիստ Վոլֆգանգ Մայլինգերի հարսանիքին նվիրել է նկար, կարագի քամիչ եւ Տուլայի ինքնաեռ: Այս մասին լրագրողներին ասել է նախագահի մամուլի քարտուղար Դմիտրի Պեսկովը, հաղորդում է ՏԱՍՍ-ը:
«Պուտինը նորապսակներին նվիրել է գյուղական մոտիվներով նկար, քանի որ հենց այդ շրջաններից է ամուսինը, ինչպես նաեւ նվիրել է հին կարագի քամիչ եւ Տուլայի ինքնաեռ »,-ասել է Պեսկովը:
Նա հավելել է, որ տոնակատարության ժամանակ նախագահը պարել է հարսնացուի եւ հյուրերի հետ:
«Հյուրերից մեկը նախագահի պարընկերն էր»,-ասել է նա:
«Նա նաեւ հարսնացուի հետ է պարել»,-նշել է Պեսկովը: