Շվեյցարիայի իշխանությունները հրաժարվել են քաղաքացիություն շնորհել մահմեդական զույգին այն բանից հետո, երբ նրանք հրաժարվել են սեղմել հակառակ սեռի ներկայացուցիչների ձեռքը, հայտնում է BBC-ն։
Շվեյցարացի պաշտոնյաներն իրենց որոշումը բացատրել են ինտեգրվելու եւ գենդերային հավասարությունը հարգելու զույգի անկարողությամբ:
Շվեյցարիայի իշխանությունները հայտարարել են, որ երկրի քաղաքացիություն ստանալու ցանկություն ունեցող օտարերկրացիները պետք է լավ ինտեգրվեն շվեյցարական հասարակությանը եւ Շվեյցարիայի, նրա ինստիտուտների եւ կարգուկանոնի հետ կապվածություն ցույց տան: