Միջազգային մակրոֆինանսական օգնության երրորդ՝ վերջին ծրագրի ավարտը խոսում է ծանր ճգնաժամից Հունաստանի դուրս գալու մասին: ՏԱՍՍ-ի փոխանցմամբ՝ այս մասին Twitter-ում գրել է Ֆրանսիայի նախագահ Էմանուել Մակրոնը՝ հույն ժողովրդին շնորհավորելով ծանր փորձությունը հաղթահարելու կապակցությամբ:

«Օգնության ծրագրի այսօրվա ավարտը նշանավորում է ճգնաժամից հույն ժողովրդի դուրս գալու մասին, որի դեմ նա պայքարում էր հարգանքի արժանի արիությամբ եւ արժանապատվությամբ»,- նշել է Մակրոնը:

Ֆրանսիայի նախագահն ընդգծել է, որ Փարիզը մտադիր է այսուհետ եւս ԵՄ-ի հետ միասին աջակցություն ցուցաբերել Աթենքին, որպեսզի հունական տնտեսությունը վերջապես կայունություն ձեռք բերի: