Վաշինգթոնը պատրաստ է ավելի կոշտ տնտեսական միջոցներ կիրառել Մոսկվայի դեմ, եթե «նա չփոխի իր վարքագիծը»: Այս մասին Սենատի երկու հանձնաժողովների լսումներում հայտարարել են ԱՄՆ նախագահի վարչակազմի ներկայացուցիչները, հաղորդում է Reuters-ը:
«Չնայած Ռուսաստանի չարամիտ գործողությունները շարունակվում են, մենք կարծում ենք, որ նրա արկածախնդրությունը, անշուշտ, թույլ չի տալիս հասկանալ, որ մենք կարող ենք նրան ավելի շատ տնտեսական վնաս հասցնել` օգտագործելով մեր լիազորությունների հզոր տիրույթը: Եվ մենք առանց տատանվելու կանենք դա, եթե Ռուսաստանի վարքագիծը էականորեն չփոխվի», - Սենատում բանկի հարցերով կոմիտեի նիստում ասել է ֆինանսների փոխնախարարի պաշտոնակատար Սեգալ Մանդելկերը:
Պետքարտուղարի օգնական, Միջազգային անվտանգության բյուրոյի ղեկավար Քրիստոֆեր Նորդը հայտարարել է, որ Ռուսաստանը ամերիկյան պատժամիջոցների մտավախության պատճառով չեղարկել է երրորդ երկրներին սպառազինությունների մատակարարումը:
Արտաքին հարաբերությունների կոմիտեի լսումների ժամանակ Ուեսթ Միտչելը նշել է, որ պատժամիջոցների վերաբերյալ մտահոգությունը զենքի գործարքների հետ կապված Ռուսաստանին 8-10 միլիարդ դոլար է արժեցել:
Նրա խոսքով, 2013 թվականից Ռուսաստանում օտարերկրյա ուղղակի ներդրումները նվազել են 80 տոկոսով, ինչը «չափազանց շշմեցուցիչ ցուցանիշ է»:
«Ռուսաստանի հանդեպ մեր քաղաքականությունը բխում է այն գիտակցումից, որ ամերիկյան դիվանագիտությունը արդյունավետ լինելու համար պետք է ամրապնդվի ռազմական ուժով», - ասել է Միտչելը՝ ընդգծելով ԱՄՆ պաշտպանական բյուջեի զգալի աճը, այդ թվում Եվրոպայում ԱՄՆ-ի ռազմական ներկայությունը ամրապնդելու ծրագիրը: