Չկա մարդ, ով դեմ չէ ընտրակեղծիքներին եւ նախընտրական կաշառքներին: Այս մասին սեպտեմբերի 6-ին ՀՀ Ազգային ժողովի արտահերթ նիստին քրեական օրենսգրքում փոփոխություններ կատարելու մասին օրինագծի քննարկման ժամանակ հայտարարեց «Ծառուկյան» դաշինքի պատգամավոր Գեւորգ Պետրոսյանը: «Կա նպատակ՝ բացառել նման միջամտությունն ընտրություններին, սակայն դա չի կարելի անել ավելի կարեւոր շահերի խախտման հաշվին: Կառավարության կողմից առաջարկվող ոչ իրավական կարգավորումները սպառնում են քաղաքացիների շահերին»,- ընդգծեց պատգամավորը:
Մտահոգություն հայտնեց նաեւ ՀՀԿ-ական պատգամավոր Մարգարիտա Եսայանը: Նա ուշադրություն հրավիրեց այն փաստի վրա, որ, օրինագծերի համաձայն, եթե մարդը հայտնի իր դիրքորոշում ոցիալական ցանցում, հայտնելով, թե որ թեկնածուի կամ քաղաքական ուժի օգտին է պատրաստ քվեարկել, ապա դա չի հանցագործություն համարվի, քանի որ նրա գրառումը չի դիտարկվի որպես խոստում:
Եթե քաղաքացին գրառում անի սոցիալական ցանցերում այն մասին, որ պատրաստվում է քվեարկել այս կամ այն քաղաքական ուժի օգտին, իսկ ընտրությունների ժամանակ նոր գրառում անի, որ արդեն քվեարկել է եւ նշի այդ քաղաքական ուժի անունը, ապա, ըստ առաջարկվող օրինագծի տրամաբանության, նրան կարող են քրեական պատասխանատվության ենթարկել, ինչն անտրամաբանական եւ անընդունելի է:
Հիշեցնենք, որ այս օրինագծով առաջարկվում է արգելել ցանկացած բարեգործական գործունեություն նախընտրական քարոզարշավի ժամանակ: Բացի այդ, առաջարկվում է պատժել ոչ միայն ընտրողներին կաշառելու, այլ նաեւ կաշառք տալու խոստման համար: Նման առաջարկների համար առաջարկվում է պատժել 100 000-ից մինչեւ 400 000 դրամ տուգանքով կամ մինչեւ 5 տարի ազատազրկմամբ:
Ընդ որում, կաշառք առաջարկվում է համարել ոչ միայն փող, այլ նաեւ այլ նյութեր տալը, ներառյալ՝ սննդամթերք: Այս խնդիրը լուծելու համար առաջարկվում է արգելել բարեգործությունը քարոզարշավի ժամանակ:
Բացի այդ, քաղաքացիներին կարգելվի քվեարկել երրորդ անձանց ներկայությամբ, ինչպես նաեւ սոցիալական ցանցերում հայտնել ընտրությունների ժամանակ նախընտրական քարոզարշավի մասնակից որոշ քաղաքական ուժերի նախասիրությունների մասին: Օրինագիծը կտրուկ քննադատության էր արժանացել ՀՀԿ-ի եւ «Ծառուկյան» դաշինքի պատգամավորների կողմից: