Հունաստանը նեոնացիզմը համարում է Եվրոպայի գլխավոր սպառնալիք
Նեոնացիզմը եւ պոպուլիզմը Եվրոպայի համար ավելի լուրջ վտանգ են ներկայացնում, քան առանձին երկրների դուրս գալը Եվրամիությունից։ Այս մասին Ռիգայում կայացած Arraiolos-ի գագաթաժողովի ավարտից հետո հայտարարել է Հունաստանի նախագահ Պրոկոպիս Պավլոպուլոսը՝ հայտնում է «ՌԻԱ Նովոստի»-ն։
Պավլոպուլոսի խոսքերով՝ նեոնացիզմի ծաղկման ֆոնին 2019թ․ մայիսին կայանալիք Եվրախորհրդարանի ընտրությունները հատուկ կարեւորություն են ձեռք բերում։
«Տառացիորեն որոշվում է Եվրոպական միության ապագան։ Եվ մենք հուսով ենք, որ այդ սպառնալիքը չի լինի»,- հայտարարել է նախագահը։
Ըստ նրա՝ եվրոպացիները պետք է որոշեն, թե ինչ Եվրոպա են ուզում տեսնել։
Հիշեցնենք, որ մի քանի օր առաջ նեոնացիզմի վտանգների մասին Եվրախորհրդարանում խոսել էր Հունաստանի վարչապետ Ալեքսիս Ցիպրասը։