ԲՀԿ առաջնորդ Գագիկ Ծառուկյանը շնորհավորել է «Իմ քայլը» դաշինքին՝ Երեւանի ավագանու ընտրություններում հաղթանակի առթիվ:

Նա Facebook-ի իր էջում գրել է.

«Սիրելի հայրենակիցներ,

Կտրականապես մերժելով հասարակությունը սեւերի եւ սպիտակների բաժանելու վտանգավոր մոտեցումը՝ այդուհանդերձ «Բարգավաճ Հայաստան» կուսակցությունը ընդունում է ընտրության արդյունքները եւ շնորհավորում «Իմ քայլը» դաշինքին: Ես նաեւ շնորհակալություն եմ հայտնում իմ թիմին սկզբունքային, գրագետ եւ կոռեկտ պայքարի համար: Հույս ունենք, որ երեւանցիներին խոստացված բոլոր ծրագրերը կդառնան իրականություն:

Աստված պահապան մեզ բոլորիս»:

Ավելի վաղ NEWS.am-ը հայտնել էր, որ սեպտեմբերի 23-ին կայացած Երեւանի ավագանու ընտրություններում նախնական տվյալներով «Իմ քայլը» դաշինքը ստացել է 81,06 տոկոս, ԲՀԿ-ն՝ 6,95 տոկոս, «Լույս» դաշինքը՝ 4,99 տոկոս: