Համաշխարհային հանրությանն անհրաժեշտ է ակտիվացնել պայքարը նարկոթրաֆիկի դեմ, ինչպես նաեւ բարձրացնել կախվածությունից տառապողներին օգնություն ցուցաբերելու ակտիվությունը։ Այս մասին հայտարարել է ՄԱԿ-ի գլխավոր քարտուղար Անտոնիու Գուտերիշը՝ միջազգային կազմակերպության նյույորքյան գրասենյակում տեղի ունեցած հանդիպման ժամանակ՝ տեղեկացնում է ՏԱՍՍ-ը։
«Այս ծանր ճգնաժամից դուրս գալու համար անհրաժեշտ են հստակ գործողություններ՝ երկու ոլորտում։ Առաջինը խստագույն միջոցներն են նարկոթրաֆիկի եւ նրանց դեմ, ովքեր հարստանում են մարդկանց դժբախտացնելով։ Դա նշանակում է, որ նարկոթրաֆիկով զբաղվողները պետք է զրկված լինեն ապահով ապաստարաններ գտնելու հնարավորությունից»,- պարզաբանել է նա։