Հատուկ քննչական ծառյությունը մեղադրանք է առջադրել ՀՀ ոստիկանության Ներքին զորքերի նախկին հրամանատար, գեներալ-լեյտենանտ Լեւոն Երանոսյանին՝ Քրեական օրենսգրքի 309 հոդվածի երկրորդ եւ երրորդ մասերով: NEWS.am-ի հետ զրույցում այդ մասին ասաց Երանոսյանի փաստաբան Տիգրան Սաֆարյանը։
Նա նաեւ տեղեկացրեց, որ Երանոսյանին ներկայացվել է որպես մեղադրյալ ներգրավվելու մասին որոշումը։ Վերջինս ծանոթացել է մեղադրանքին, բայց հրաժարվել ցուցմունք տալուց:
Լեւոն Երանոսյանն իրեն մեղավոր չի ճանաչում:
Ավելի վաղ NEWS.am–ը հայտնել է, որ Հայաստանի ոստիկանության զորքերի նախկին հրամանատար Լեւոն Երանոսյանը կասկածվում է պաշտոնեական լիազորությունները չարաշահելու մեջ:
Փաստաբան Տիգրան Սաֆարյանը հայտնեց, որ իր պաշտպանյալը հարցաքննության համար Հատուկ քննչական ծառայություն է հրավիրվել:
«Լեւոն Երանոսյանը ազատ է արձակվել չհեռանալու ստորագրությամբ: Նա կասկածվում է 309-րդ հոդվածի 2-րդ եւ 3-րդ մասերով` պաշտոնեական լիազորությունների չարաշահում», - ասաց փաստաբանը: Նա նշեց, որ խոսքը այս տարվա ապրիլի 16-ին եւ 22-ին Բաղրամյան եւ Արցախի պողոտաների իրադարձությունների մասին է համապատասխանաբար: «Գործը վերաբերում է ոստիկանության եւ ցուցարարների միջեւ բախումների ժամանակ հատուկ միջոցների օգտագործմանը», - բացատրեց փաստաբանը: