Հայաստանի Հանրապետության անկախության 27-րդ տարեդարձի առթիվ նախագահ Արմեն Սարգսյանը տարբեր երկրների ղեկավարներից շարունակում է շնորհավորական հեռագրեր ստանալ:
Գերմանիայի Դաշնային Հանրապետության նախագահ Ֆրանկ-Վալտեր Շտայնմայերն իր շնորհավորական ուղերձում մասնավորապես նշել է, որ 2018 թվականը կարեւոր եւ իրադարձություններով հարուստ տարի է եղել Հայաստանի համար: «Ձեզ եւ ողջ հայ ժողովրդին մաղթում եմ ամենայն հաջողություններ պետական եւ հասարակական ոլորտներում ընթացող բարեփոխումների քաղաքականության շարունակման մեջ եւ հավաստիացնում, որ իմ երկիրն այդ հարցում հետայսու եւս սիրով կանգնած կլինի Ձեր կողքին»,- ասված է Գերմանիայի նախագահի ուղերձում: