Հայտնի են Երեւանի նորընտիր ավագանու ԲՀԿ խմբակցության 5 անդամների անունները:
ԲՀԿ-ից NEWS.am-ին հայտնեցին, որ ԲՀԿ ավագանու խմբակցությունում կընդգրկվեն մասնավորապես, հետևյալ թեկնածուները.
1. Արման Աբովյան- խմբակցության ղեկավար, քաղաքագետ, Ուկրաինայում ՀՀ դեսպանի խորհրդական
2. Միքայել Մանրիկյան- ԵՊԲԺ պրոֆեսոր, դասախոս 3. Արմեն Ներսիսյան- «Համերաշխություն» ՀԿ նախագահ
4. Մարկոս Հարությունյան-«Թամ-Սամ» ՍՊԸ շուկայի զարգացման տնօրեն
5.Հռիփսիմե Առաքելյան-լրագրող, Կամերային թատրոնի տնօրեն։
Ըստ էության, ԲՀԿ ցուցակից ինքնաբացարկ են հայտնել ցուցակը գլխավորող Նաիրա Զոհրաբյանը, երկրորդ հորիզոնականը զբաղեցնող հեռուստալրագրող Պետրոս Ղազարյանը, նաեւ ծանրորդ Նազիկ Ավդալյանը։
Ավելի վաղ NEWS.am-ը հայտնել էր, որ ԿԸՀ-ն հրապարակել է Երեւանի ավագանու ընտրությունների վերջնական արդյունքները, ըստ որի 65 մանդատից 57-ը բաժին է հասել «Իմ քայլը» դաշինքին, 5 մանդատ՝ ԲՀԿ-ին եւ 3 մանդատ՝ «Լույս» դաշինքին: