Շուրջ 300 հազար մարդ է տարհանվել Հնդկաստանի Օրիսա նահանգի 5 առափնյա օկրուգներից կապված «Տիտլի» հզոր ցիկլոնի մոտենալու հետ, հայտնում է Հնդկաստանի օդերեւութաբանական դեպարտամենտը, փոխանցում է «ՌԻԱ Նովոստի»–ն։
Գերատեսչության տվյալներով՝ ցիկլոնի շրջանակներում քամու արագությունը հասնում է 140-150 կիլոմետր ժամ։ Սպասվում է, որ Օրիսա նահանգը կկրի տարերային աղետի հիմնական հարվածը, որից հետո ցիկլոնը կթեքվի հյուսիս եւ կուղղվի Արեւմտյան Բենգալիա նահանգ։
Հինշաբթի Օրիսայի առափնյա շրջաններում փակ է պետական հիմնարկների մեծ մասը։ Հասարակական տրանսպորտը չի գործում, ձկնորսներին խորհուրդ չի տրվում ծով դուրս գալ։