ԱՄՆ-ը նախկինի պես ձգտում է զրոյացնել իրանական նավթի արտահանումը։ Այս մասին հայտարարել է Իրանի հարցով հատուկ դեսպանորդ Բրայան Հուքը՝ տեղեկացնում է Reuters-ը։

Նրա խոսքերով՝ Վաշինգտոնը համաձայն չէ, որ նոյեմբերին Իրանի դեմ պատժամիջոցների վերականգնումը բացասաբար կանդրադառնա շուկայի վրա։

Հուքը նաեւ նշել է Իրանի բալիստիկ հրթիռների հետ կապված ծրագրի կանխման անհրաժեշտությունը։ Նրա կարծիքով՝ Թեհրանի հետ առեւտրի ֆինանսական հատուկ գործիքի ստեղծման Եվրոպայի ջանքերը պահանջարկ չեն գտնի, քանի որ ավելի քան 100 արտասահմանյան ընկերություններ նշել են, որ կհեռանան երկրից։